Java-da açar sözlər (keywords)

Java-da ümumilikdə 51 açar sözü var.

1. abstract
2. assert (Java 1.4-dən sonra)
3. boolean
4. break
5. byte
6. case
7. catch
8. char
9. class
10. const (istifadə edilmir)
11. continue
12. default
13. do
14. double
15. else
16. enum (Java 1.5-dən sonra)
17. extends
18. final
19. finally
20. float
21. for
22. goto (istifadə edilmir)
23. if
24. implements
25. import
26. instanceof
27. int
28. interface
29. long
30. native
31. new
32. package
33. private
34. protected
35. public
36. return
37. short
38. static
39. strictfp (Java 1.2-dən sonra)
40. super
41. switch
42. synchronized
43. this
44. throw
45. throws
46. transient
47. try
48. void
49. volatile
50. while
51. _ (alt xətt) (Java 9-dan sonra)

Bunlardan bəziləri sonradan əlavə olunub (assert, enum, strictfp və _ işarəsi), bəziləri isə öncədən açar sözü olaraq işarələnsə də (reserved — ayrılmış sözlərdir), onlar hazırda Java-da istifadə olunmur, çünki hazırda onların istifadəsini zəruri edəcək vəziyyətlər yoxdur, amma qarşıda istifadə oluna bilər (const və goto).

Bu siyahıda qeyd olunan 51 açar sözünü bir isim olaraq, yəni sinfin, dəyişənin, metodun adı olaraq istifadə edə bilmərik. Bunlar yalnız nəzərdə tutulduğu məqsədləri ilə açar sözü olaraq istifadə edilə bilər. (Hətta baxmayaraq ki, const və goto hazırda açar sözü olaraq istifadə edilmir, amma onlar nəyinsə adı olaraq da işlənə bilməzlər.)

• null, true və false sözləri isə sabitlərdir (literal), yəni dəyərə mənimsədilən sözlərdir. Onları da isim olaraq, yəni dəyişənin, metodun, sinfin adı olaraq istifadə edə bilmərik, onlar açar sözü kimi də istifadə edilmirlər, onlar yalnız sabitlərdir, dəyər ifadə edirlər, uyğun dəyişənlərə mənimsədilirlər.
• var — Java 10-da gələn yeni bir ayrılmış (reserved) sözdür. Yerli (local) dəyişən yaratmaq üçün istifadə olunur. Var — Python, JavaScript kimi dillərdə çox istifadə olunur. Var — “variable” (dəyişən) sözünün qısaldılmışıdır. Var ilə yerli dəyişən əmələ gətirərkən, tip qeyd etməyimizə gərək yoxdur, Java burada tip məlumatını kontekstdən əldə edir. Buna “tipli nəticə” (type inference) deyilir. Var — Java-da ayrılmış söz olsa da, açar sözü deyil. Buna görə də, Java 10-dan öncə “var” sözünü dəyişən, metod və paket adı olaraq istifadə etmək olardı. Hansı ki, bu sözün Java-ya gəlməsindən (Java 10-dan) sonra kodda bu sözü dəyişməyə ehtiyac yoxdur. Amma “var” sinif (class) yaxud interfeys (interface) adı olaraq istifadə olunubsa, bunlar Java 10-dan sonra dəyişdirilməlidir. (Əslində isə istifadəsi ümumiyyətlə yanlışdır, çünki sinif və interfeys adları böyük hərflə başlamalıdır.)